Thursday 23 June 2011

Lakshmi Praapti & Health Tips for Various Ailments

Note: Hariom, This Article is in Hinglish (Hindi written in English)

1.Kisi ko gareebi mitaani ho, daridrata mitaani ho

Kisi ko gareebi mitaani ho, daridrata mitaani ho, to bilkul pakka upaay hai; varsh mein ek do baar somvati amavasya to ho hi jaayegi; somvati amavasya ka intazaar karo; somvati amavasya ke din 108 baar agar tulsi ki parikrama karte ho, Omkaar ka thoda jap karte ho, Surya Narayan ko arghya dete ho; yeh sab saath mein karo to achha hai, nahin to khaali tulsi ko 108 baar pradakshina karne se tumhaare ghar se daridrata bhaag jaayegi; yeh Skand Puraan mein vachan likha hua hai; yeh Puraan ki baat bilkul sachhi hai, usmein sandeh nahin karna chahiye;

Note: Next Somvati Amavasya is on 9th Aug 2010.

2. Kamjori mitaana ho, shareer balprad banaana ho

Kamjori mitaana ho, svaasthya laabh ke din aa rahe hain, shareer ko balprad banaao -

10 gram kaaley til chabaa lo, aur thanda paani piyo; 2 ghantey tak kuch khaao piyo nahin; shareer mast banega;

3. Jo Bachhe hain, vidyarthi hain, unka shareer majboot karne ke liye

Raat ko chaney bhigo lein, subah un chanon mein paalak, gobhi, dhaniya, aadi masaala kaat ke daal dein; aur vo chaney chaba chaba ke khaayein bachhe; aur dopahar ke khaane ke baad pakka ek ya do kele khaayein; bachhey majboot hongey;

4. Jinko khoon ki kami ho

Lohe ke bartan mein paani garam karo, phir peene laayak ho vo piya karo; is se hameoglobin badhega; doodh bhi usi mein ubaalo, daal bhi usi mein banaao; is se bhi khoon banega;

5. Kayi Bimaariyaan dur karne ke liye prayog

Do chhuaarey ek vyakti ke liye dhoke beej nikaal ke doodh mein daal do; doodh mein paani daalo; dheemi aanch pe doodh ubley;dheemi aanch mein ubley huey doodh mein vo chhuaarey ublengey; chhuaarey ke bahut saarey laabh hain; un laabhon ka main varnan karunga to bahut samay jaayega;

hemant ritu - 23 Oct - 20 Dec'09 tak; in dinon shareer ko banaane waley bhojan ka upyog karna chahiye;

200g doodh hai (chhuaarey wala), usmein agar 200g paani daalo to vo doodh pitt-naashak ho jaayega;

100g paani daalte ho to vaayu naashak ho jaayega;

Agar 300g paani daaltey ho to kaf naashak ban jaayega;

Dheemi aanch par chhuaarey vala doodh aap ubaalo; vo khaare (chhuaarey) kha lo aur doodh pi lo, aapke chehre par saundarya, kaanti, veerya ki pushti, hriday aur fefdey ka bal, aur mahilaayen piye to aniyamit maasik dharm ki gadbadi (door hogi); aur bhai piyein to svapandosh, raktchaap (blood pressure), kamar ka dard, mankok ki gadbad, mankon ki gap, kabjiyat, aadi ki shikaayat door ho jaayegi, baal ghaney aur lambey honey lagengey;

Agar raat ko aisa doodh peete ho to svar sureela hoga; aur raatri ko kuch log bistar mein seeti bajaa dete hain (bistar gila kar dete hain) - aise bachhe ya aise logon ke liye bhi yeh chhuaarey wala doodh aashirvaad roop ho jaayega;

6. Maansik tanaav kyon hota hai?

a. Apne mann ki nahin hoti - beta mera kehna nahin maanta, patni mera kehna nahin maanti; falaana mera kehna nahin maanta, beti mera kehna nahin maanti; us baat ka baar baar chintan karne se maansik tanaav hota hai;

b. Shakti se adhik parishram karne se maansik tanaav hota hai;

c. Vaat, pit aur kaf ki vishamta se bhi maansik tanaav hota hai;

In sabhi musibaton ko hataane ke liye, maansik tanaav door karne ke liye Bhagvad katha bahut kaargar hai; aur bhaartiya padhati se svar ka gyan ho to aise cassette ho, vo bajaayein, aur usmein bhi Bhagvaan ka naam ho; mansik tanaav dur karne ke liye, darbaari raag, khajaam raag, malhaar raag, aadi raagon se bhi faayda hota hai;

7. Jiske jeevan mein shushkta ho, khushi na ho, uske liye Nootan Varsh ka Tohfa

Aaj nootan varsh ka ek aur vishesh naveen tohfa, jo Maharishi Chyavan ne khoja hai;
Jiske jeevan mein shushkta ho, khushi na ho, vo yeh naya tohfa sun jaaye - Tripti Pranaayaam -

Chayavan rishi ki khoj hai, poora shvaas bhar le, aur ek aat baar Guru Mantra jap kar le, aur jor se foonk maar ke ashaanti, niraasha aur sookhepan ko ravaana kar de; aise 50 se 100 pranayam kar le; 1-2 din mein hi jeevan mein tripti ka ehsaas honey lagega; rookhapan sookhapan bhaag jaayega; sah tripto bhavati, tripti pranaayaam; aaj is nootan varsh ka naya tohfa hai tripti pranayam;

pehle daye-baye se shvaas liya chhoda 10 baar; baad mein dono nathunon se shudh havaamaan mein shvaas bhara; aur Guru Mantra ek baar japa aur anand anand chintan kiya aur foonk maarke ashaanti, atripti ko baahar feink diya; poora shvaas bhara aur ek do baar Guru Mantra japa aur shvaas muh se nikaal diya, 50-100 baar aisa karo; aapke jeevan mein usi samay tripti prasannta honey lagegi, kitna badhiya tohfa hai;

Aur Somvati Amavasya aaye to tulsi jo ko 108 pradakshina karne se dhan dhaanye mein barkat aa jaayegi;

8. Kabjiyat, thakaan, aadi door karne ke liye

Agar ashvini mudra kar sakte ho, baith ke, let ke bhi, shvaas baahar feink diya aur shauch jaane ki jagah ko sankochan vistaran kiya, kabjiyaat ki bimaari, thakaan aadi sab bhaag jaayega;

9. Jo log motey hain, heavy duty hain, kamar thakti hai, mankey aisa hai, vaisa hai, acidity hai, aadi..

To Surya ke kiranon mein 10-15 praanayam karo; aur shvaas rok kar (yeh mantra japein) -

Naasey rog harey sab peera,
Japat nirantar Hanumat beera;

1 minute shvaas roko, phir shvaas chhod do; phir, shvaas baahar roko 40 second aur phir shvaas le lo; aise 10 shvaas lo, bas;

10. Tumor, Heart Attack, Blockage ka Bhaye ho

1 gilaas gunguna paani, usmein 1 nimbu milaa do, 30 tulsi ke patton ka ras daal do; haftey mein do baar piyo, kul 15 baar piyo, heart attack ka bhaye gaayab; blockage ka bhaye gaayab; tumor ka bhaye gaayab; thakaan gaayab;

No comments:

Post a Comment